أنا بكره ربنا!

-

أنا بكره ربنا اللي الناس بتفرضه علينا

من غير أي احترام لحريتنا في الاختيار

أنا بكره ربنا اللي شبه أهالينا

عشان بسبب أخطاءهم اتشوهت صورة الله

أنا بكره ربنا اللي مطلوب مني أعبده

من خلال مُمارسات روحية اخترعوها بشر

ومن ساعتها بقت قانون مُلزم لكل البني آدمين

أنا بكره ربنا اللي بيفرض أو بيحرم حاجات

هي في الأخر مجرد عادات وتقاليد

أنا بكره ربنا اللي كل همه الصح والغلط

ومش فارق معاه احتياجاتي واللي أنا حاسه بيه

أنا بكره ربنا اللي مش شايف إن ليَّ قيمة في ذاتي

وبيعطف عليَّ بحبه اللي عمال يذلني بيه

أنا بكره ربنا اللي عايزنا متشابهين

وماحدش يكون أصلي لكن تقليد

أنا بكره ربنا اللي بيلغي عقلي وفكري

لمجرد إن فيه ناس عايزانا مُغيبين

أنا بكره ربنا اللي مقسمنا

لناس وحشين وناس حلوين

أنا بكره ربنا اللي بيميز الرجالة عن الستات

ومش عايزهم يكونوا متساويين

أنا بكره ربنا اللي عايزني أكتم مشاعري و وجعي

وأمثل إني كويسة وبخير

أنا بكره ربنا اللي عايزني أقوله كلام حلو مُنمق
وأنا جوايا متهماه وبالوم عليه

أنا بكره ربنا اللي بيحسسنا بالذنب

لو إحنا مش متطابقين للمعايير

أنا بكره ربنا اللي عايزني أنكر ضعفي وعجزي

وألبس قناع أخفي حقيقتي بيه

أنا بكره ربنا اللي دمه تقيل وكشاري

ومالوش في الضحك والتهريج

أنا بكره ربنا اللي مابيقدرش الإبداع والفن

ومش عايزنا نستمتع بيه

أنا بكره ربنا اللي بيكفرني وبيستبيح دمي

ومابيحترمش حريتي في اختيار الدين اللي باصدق فيه

أنا من الأخر بكره ربنا المزيف

اللي لا يمُت لربنا الحقيقي في شيء

وياريت اللي فاهمين ربنا غلط يرحمونا

ويبطلوا يرموا بلاهم علينا وعليه.




ماري منير 

15/12/2012


تعليقات

  1. True Light11 فبراير 2018 في 7:58 ص

    يعنى بمعنى اصح بتكرهى الشيطان اللى لابس مليون قناع تحت اسم واحد (الدين) إللى عايز الناس متفرقين مش موحدين. أنا بلعن روحه فى كل دين القذر النجس اللى بيخدع الناس عشان ينزلوا الدنيا القذره دى ويعمل عبهم ريس ابن الزانيه لانه ليس لديه قدره على الخلق والناس تخلق ما تشاء إن وعوا.

    ردحذف
  2. Ammar Yasser31 ديسمبر 2019 في 8:53 ص

    اسكت

    ردحذف
  3. Unknown23 فبراير 2020 في 9:30 ص

    التعبير عن الرأي شيء جميل

    ردحذف
  4. Unknown8 مايو 2020 في 2:54 ص

    انا بكره الظلم و بكره الألم و بكره الله لانه خلف كل الآلام و التعب

    ردحذف
  5. Unknown8 مايو 2020 في 2:56 ص

    انا بقيت بكره الله و الشيطان لانهم المسبب الرئيسي في تعاستنا و كاننا رهان فيما بينهم كل واحد فيهم مصمم علي انه يتلذذ بعذابنا

    ردحذف
    الردود
    1. Unknown17 يناير 2021 في 7:55 ص

      ومين سمعك اناكمان بكرهواوى ومبطقاش اسمع اسموا

      حذف
  6. Unknown4 أبريل 2021 في 1:38 م

    ربنا ياخدكم ياشويه شياطين استغفر الله العظيم و اتوب اليه 😒

    ردحذف
  7. Unknown4 أبريل 2021 في 1:38 م

    مين الكافر اللي كاتب الكلام ده كرهتك هدومك اللي عليكي ياشيخه 👊👊👊👊

    ردحذف
  8. Unknown17 يناير 2022 في 12:23 م

    لا حول ولاقوة الابالله العلي العظيم
    حسبي الله ونعم الوكيل في الكلام الي بتقولو ده ربنا يهديكم

    ردحذف
  9. Reading7 سبتمبر 2023 في 7:40 ص

    انا بكره ربنا اه بس لسا بصلي و بعبده لحد معرف ايه حكمة الابتلاءات اللي خلتني اكره بس من اسبابك اللي كاتبها انت لامواخذة عيل خول مش فاهم يعني ايه حياة

    ردحذف

إرسال تعليق

المشاركات الشائعة من هذه المدونة

الحب والاحتياج

-
صورة
مش كل حب بيبقى حب حقيقي، ولا كل احتياج بيبقى احتياج طبيعي، لأن ممكن يكون الحب وراه احتياج، والاحتياج يكون وراه تشوهات، خلته يتضخم ويبقى احتياج مرضي. وعشان كده إحنا محتاجين نميز بين الحب الحقيقي والمزيف، وبين الاحتياج الطبيعي والمرضي. وعشان نقدر نميز الحب الحقيقي، ففي صفات لازم تكون متوفرة فيه: أهمها إنه يكون مش مشروط، ومايكونش نابع عن ضعف لكن قوة، ورغبة في العطاء الحقيقي مش الأخذ، من غير ما يكون فيه انتظار لمقابل. والحب الحقيقي كمان بيبقى نابع عن قرار واعي، مش مجرد مشاعر قوية ممكن تهدى أو تروح مع الوقت، وممكن يكون فيه تضحية لو تطلب الأمر، وده في نظري هو الحب في أعمق صوره. أما بقى بالنسبة للاحتياج، فعشان أقدر أقول إنه طبيعي، لازم يكون فيه اتزان بين الأخذ والعطاء، ومفيهوش استغلال أو تعلق زايد عن حده. لكن الاحتياج المرضي بيكون ناتج عن احتياج طبيعي ماتسددش بشكل صحيح وفي وقته، ونتيجة لده ممكن يتحول ويبقى احتياج مرضي، وساعتها الإنسان بيبقى حاسس بفراغ رهيب، مفيش شيء قادر يملاه، وممكن الواحد يتورط في حاجات قهرية ومؤذية، في محاولة منه إنه يشبع جوعه. وأنا باحس إن أعمق احتياج عند
قراءة المزيد

الحب الواعي

-
صورة
بيقولوا إن الحب أعمى، ودي حقيقة في حالة واحدة: لو كان الحب مش واعي، يبقى أكيد حب أعمى. والحب الواعي هو إني برغم إني شايفه عيوب اللي قدامي ومش بنكرها، لكن برضه أخد قرار واعي إني أقبله وأحبه عشان هو يستاهل إنه يتحب، بغض النظر عن عيوبه اللي من حقي أكون رافضها. والحب الواعي هو اللي بيخليني أحتمل وأصبر ع اللي قدامي على قد طاقتي، أو حتى أقرر أبعد لو القرب ممكن يكون بيعرضني أو بيعرض اللي قدامي لضرر مستمر، وحتى وأنا ببعد أكون محاسب ع اللي قدامي وماسببلهوش جرح. بس للأسف فيه ناس كتير بتدخل في قصص حب لمجرد إنها عايزة تحب وتتحب، وناس كتير بتستحمل إساءات وذل لمجرد إن الجوع قارصها. وناس كتير بتنبهر وتُعجب بحد مشهور أو مميز، وبتبقى مش شايفاه على بعضه، بإنسانيته وضعفه وجماله و وحاشته، ومش بعيد كمان إنهم يألهوه، ومايشوفهوش كإنسان من حقه يكون بيضعف أو بيغلط، وده بيخلينا كتير نتصدم في ناس كنا متخيلينهم ملايكة، وبعد ما كنا مبهورين بيهم، فجأة الإنبهار بيتحول لصدمة، تخلينا نفقد في كل الناس ثقتنا. والحقيقة بقى إن مفيش إنسان ماعندوش ضعفات، أو عدم نضوج ومعيلة في حتت. أنا عارفة إننا مدركين الح
قراءة المزيد