خارج نطاق الخدمة
لما يكون مطلوب مني إني أسمع
وأنا نفسي موجوعة ومش قادرة
لما تكون محتاج إني أشيل حملك
وأنا أصلاً فطسانة ومحتاجة مساعدة
لما في تعبك تلجألي وتلاقيني مش متاحلك
وتحس إني بزقك وتتخيل إني بتهرب منك
لما أحتاجك وألاقيك بتلومني وأنا بغرق
ويبقى مطلوب مني أستحمل وأقبل
وبعد ده كله آجي على نفسي وأحايلك
لما يكون مطلوب مني أدي
وأنا في تعبي متسابة لوحدي
فعذرني لو لاقتني غير متاحة
أو بقيت خارج نطاق الخدمة.
ماري منير
28/5/2013
برافو ,, برافو ,, ( مش لمجرد الالفاظ والتعبيرات الجميله فقط ,, !) لكن لان اللي بيشوف كويس ويستوعب ويحس كويس من خلال قلب حقيقى عايش في تفاصيل كل لحظه بدون هروب اوخجل ,, كلماته بتكون خارجه من قلبه فعلا وبتوصل لقلب كل اللي بيقراها ,, وبيبقى حضورها عامل زى الميكرسكوب الفاحص الكاشف لسراديب واعماق وافكار من يقراها ,,,,,, في زمن يستمتع فيه الكثيرين بالعيش في حاله من الغيبوبه والانفصال عن الحقيقه ,,,,, !!! ( حتى لو كانت هذه الحقيقه ملموسه ,, بين يديهم وفى اقرب تفاصيل مشاعرهم ,,,,,, اتمنى ان تكونى حد جميل ورائع فعلا مثل كلماتك ......................... استمرى ..................
ردحذف