الألم علينا حق
الفقد أهون ولا الرفض؟
الموت ولا إنك تبقى عايش غصب؟
إنك تتألم ولا ماتبقاش بتحس؟
إنك تُصرخ ولا مايبقاش طالعلك حس؟
إنك تبكي ولا الدموع في عنيك تجف؟
إنك تكون وحيد ولا أقرب ماليك مايكونش بيهتم؟
إن ماحدش يحبك ولا تتزق بعد ما تتحب؟
إنك ماتاخدش ولا ماتكونش متشاف م الأصل؟
إنك تأكد على حقك ومافيش حاجة تحصل
إن اللي خايف منه يحصل
ولا الخوف يخليك تتشل؟
إنك تتصدم بالحقيقة ولا تفضل مخدوع؟
إنك تتألم شوية ولا تعيش موجوع؟
وكل ما تحاول تحمي نفسك تتئذي أكتر
وكإنك بتتفادى السيء فتلاقي الأسوء
بس مهما حاولت تهرب.. الألم علينا حق.
ماري منير
7/3/2014
تعليقات
إرسال تعليق